لاہور۔14 اکتوبر(اے پی پی )وزیراعلیٰ پنجاب سردار عثمان بزدار ڈسکہ دے علاقے جیسر آلا اچ 8 سال دے بال دی لاش برآمد تھیونڑ دے واقعہ دا نوٹس گھندے ہوئیں آر پی او گوجرانوالہ توں رپورٹ منگ گھدی ہے ۔ وزیراعلیٰ واقعہ اچ ملوث ملزماں دی وختی گرفتاری دا حکم ڈتا اتے ہدایت کیتی جو ملزماں دے خلاف کاروائی کیتی ونجے۔ وزیراعلیٰ آکھیا جو مرنڑ آلے بال دے خاندان کوں انصاف ڈتا ویسی۔ وزیراعلیٰ مقتول بال دے لواحقین نال دلی ہمدری اتے افسوس دااظہار وی کیتے۔