اقوام متحدہ دے سیکرٹری جنرل دی افریقی ملک برکینا فاسو اچ مسیت تے حملے دی مذمت

نیو یارک۔ 14اکتوبر (اے پی پی) اقوام متحدہ دے سیکرٹری جنرل انتونیو گترس مغربی افریقہ دے مسلم ملک برکینافاسو دی مسیت تے حملے دی شدید الفاظ اچ مذمت کیتی اے ،اپنڑے تعزیتی بیان اچ انہاں آکھیے جو برکینہ فاسو دی حکومت ، عوام اتے متاثرہ خانداناں نال ہمدردی دا اظہار کریندے ہوئیں زخمیاں دی وختی چنگی صحت کیتے دعا کیتی ۔انہاں آکھیے جو اقوام متحدہ معاشرتی ہم آہنگی دے ودھارے تے پائیدار ترقی کیتے برکینا فوسو حکومت دے نال تعاون جاری رکھیسی ۔ واضح رہے جو جمعے کوں مالی نال متصل سرحد ی قصبے سلموسی دی جامع مسجدتے مسلح حملے اچ 15 بندے جاں بحق اتے 4 زخمی تھی گے ہن ۔ پناہ گزیناں متعلق اقوام متحدہ دی ایجنسی آکھیے جو -19 2018ءدے دوران 472 حملیں اچ 500توں ودھ ہلاکتاں تھیاں جڈاں جو بدامنی پاروں 4لکھ86 ہزار شہری بے گھرتھن ۔