اسلام آباد ۔ 16 اکتوبر (اے پی پی) وفاقی وزیر انسانی حقوق ڈاکٹر شیریں مزاری آکھیے جو انسانی حقوق دا مضمون نصاب اچ رلایا ویندا پئے،استاد اتے والدین بالاں دی تعلیم دے نال نال تربیت تے وی توجہ ڈیون۔ اے گالھ انہاں اسلام آباد دے ایف سیون ون ماڈل سکول برائے طالبات اچ ہک تقریب نال خطاب اچ آکھی۔انہاں آکھیے جو وزارت انسانی حقوق ولوں بالاں نال بدسلوکی اتے جنسی زیادتی روکنڑ کیتے آگاہی مہم کامیابی نال جاری اے،ایں سانگے شکایت کیتے وزارت دی ہیلپ لائن 1099تے رابطہ کیتاونج سگدے جیندے تے تیکھے ایکشن گھدا ویسی کیوں جو بالاں نال زیادتی روکنڑ کیتے حکومت ہی نئیں معاشرے دے ہر ہک بندے کوں اپنڑا کردار ادا کرنڑا ہوسی،استاد اتے والدین نہ صرف بالاں دی تعلیم اتے تربیت کرن بھل انہاں دیاں سرگرمیاں تے وی اکھ رکھین جو او گمراہ نہ تھیون۔انہاں آکھیے جو بالاں کوں جنسی زیادتی اتے بدسلوکی بارے مکمل معلومات ہوونڑی چاہیدی اے،ایندے تے والدین بالاں نال کھل تے الاون جو او اپنڑا تحفظ کر سگن۔
