اسلام آباد ۔ 9 اکتوبر (اے پی پی) اوورسیز پاکستانیاں سانگے وزیراعظم دے معاون خصوصی ذوالفقار بخاری داعراق اچ پاکستانی زائرین کوں درپیش مشکلاں دے حوالے نال عراقی حکومت نال رابطہ کیتے ۔ذوالفقار بخاری اپنڑے ہک بیان اچ آکھیے جو عراق اچ پاکستانی زائرین کیتے ودھدیاں مشکلاں بارے انہاں عراقی حکومت نال گالھ کیتی ہے، عراقی حکومت مسئلیاں دے حل سانگے یقین ڈیوائے ۔انہاں آکھیا جو آندے ڈو توں ترائے ڈینھاں اچ ایں مسئلے دا سامنراں کرنڑ آلے زائرین کوں سہولتاں ڈتیاں ویسن۔ انہاں زائرین دی مشکلاں دے حل سانگے کوششاں تے عراقی حکومت دا شکریہ ادا کیتے۔
