اسلام آباد ۔ 19 اکتوبر (اے پی پی)وزیراتعلیم شفقت محمود آکھیے جو اپوزیشن کولو مذاکرات توں علاوہ بیا کوئی رستہ کائنی،قومی ایکشن پلان دے تحت کہیں فساد دی اجازت نئیں ڈتی ونج سگدی۔اے گالھ انہاں اسلام آباد اچ وزیر دفاع اتے اپوزیشن نال مذاکراتی ٹیم دے اگوانڑ پرویز خٹک دے رلے پریس کانفرنس اچ آکھی۔ انہاں آکھیا جیکر مذاکرات اچ وزیر اعلی بلوچستان نہ آئے تاں چئیر مین سینیٹ کمیٹی اچ شامل ہوسن،پوری امید اے جو اپوزیشن مذاکرات کریسی،ملک دے آئین اتے قانون اچ کہیں فساد دی جاہ کائنی، نیشنل ایکشن پلان ملک اچ مسلح جتھے بنڑاونڑ دی اجازت نئیں ڈیندا،مدارس دے بال ساڈے وی بال ہین،انہاں کوں سیاست کیتے استعمال کرنڑتے ساکوں بہوں چنتا اے۔
