اپوزیشن کوں مذاکرات دا سنیہا ڈے ڈتے،کہیں فساد کھنڈایاتاں قانون اپنڑا رستہ آپ کڈھسی،حکومتی مذاکراتی ٹیم دے سربراہ وزیر دفاع پرویز خٹک دی پریس کانفرنس

APP47-19 KARACHI: October 19 -Federal Minister For Defence, Pervez Khattak along with Federal Minister For Education & Professional Training, Shafqat Mahmood addressing a press conference. APP

اسلام آباد ۔ 19 اکتوبر (اے پی پی)حکومتی مذاکراتی ٹیم دے سربراہ وزیر دفاع پرویز خٹک آکھیے جو اساں جمہوری لوک ہیں جیہرے آئین و قانون دی پاسداری اتے جمہوریت تے یقین رکھدے ہیں، اپوزیشن کوں مذاکرات دا سنیہا ڈے ڈتے جیکر کوئی مسلہ ہے تاں آن باہون اساں انہاں نال الاونڑ کیتے ہر ویلھے تیار ہیں، اے فیصلہ صرف جمہوری روایات سانگے کیتا گئے،کہیں وی فساد کھنڈاونڑ دی صورت اچ قانون اپنڑ رستہ آپ کڈھسی۔اے گالھ انہاں اسلام آباد اچ پریس کانفرنس کریندے آکھی۔وفاقی وزیر تعلیم شفقت محمود وی انہاں دے نال ہن۔ انہاں آکھیا جو وزیر اعظم دے آکھنڑتے صلاح مشورے توں بعد مذاکراتی ٹیم بنڑائی اے،جیندے اچ چیئرمین سینیٹ اتے اسپیکر قومی اسمبلی وی شامل ہین۔ انہاں آکھیے جو پی ٹی آئی اتے مولانا دے احتجاج اچ کوئی میل نئیں،اساں ہک بامقصد دھرنا ڈتا ہا ، مذاکرات وی کیتن ،کمیشن بنڑاونڑ دا فیصلہ وی منیے بھل مولانا کہیں گالھ تے آونڑ کوں تیار کائنی۔انہاںا ٓکھیے جو مذاکراتی ٹیم اپنڑی ذمہ داری پوری کریسی،اپوزیشن مذاکرات نہ کیتے، کوئی فساد کھنڈایا یا قانون ہتھ اچ گھدا تاں ول آئین و قانون آپ رستہ بنڑیسی کیوں جو نیشنل ایکشن پلان اچ کہیں وی مسلح جتھے دی جاہ کائنی،گالھ مہاڑ توں کڈھواونڑ دا مقصداتے ایجنڈا کجھ بیا لگدے،جیکر اے پاکستان اتے ایندے عوام کوں کجھ اہمیت ڈیندن تاں اے مذاکرات تے ضرورآسن ۔انہاں آکھیے جو وزیر اعظم دے استعفے دا سوال ہی نئیں آندا،اپوزیشن دا ایجنڈاتیکھے سامنڑے آ ویسی۔