اسلام آباد ۔ 21 اکتوبر (اے پی پی) وفاقی وزیر برائے تعلیم تے پیشہ وارانہ تربیت شفقت محمود آکھیا جو حکومت صحت تے تعلیم سمیت مختلف شعبیاں اچ اصلاحات سانگے ٹھوس اقدامات کیتن۔اے گالھیں انہاں سنوار کوں اتھاں طبی تعلیم تے عالمی کانفرنس 2019ءنال خطاب کریندیں ہوئیں آکھی۔کانفرنس دا موضوع ”صحت دی پیشہ وارانہ تعلیم اچ 21 ویں صدی دے چیلنجز“ہئی۔ کانفرنس نال وزیراعظم دے معاون خصوصی برائے قومی صحت ڈاکٹر ظفر مرزا وی خطاب کیتا۔وفاقی وزیر شفقت محمود آکھیا جو تحریک انصاف دی حکومت صحت انصاف کارڈ شروع کیتے جئیں دے تحت معاشرے دے غریب طبقے کوں صحت دی چنگی سہولتاں ملسن۔انہاں وزیراعظم دے معاون خصوصی برائے قومی صحت ڈاکٹر ظفر مرزا دی صحت دے شعبہ اچ خدمات دی تعریف کیتی۔
