اسلام آباد ۔ 14 اکتوبر (اے پی پی) خیبر پختونخوا اتے پنجاب دے مختلف علاقیں 5.8 شدت دے زلزلے دے جھٹکے محسوس کیتے گن ۔ نجی ٹیلی ویژن دے مطابق سنوار دی سویل خیبر پختونخوا دے علاقیں پشاور ،سوات، لوئر دیر، ایبٹ آباد، مردان ، دیر، مالاکنڈ سمیت اسلام آباد، راولپنڈی، چکوال اتے مری دے نیڑے زلزلے دے جھٹکے محسوس کیتے گن جیں پاروں لوکاں دی ودھ ساری تعداد کلمہ طیبہ دا ورد کریندے ہوئیں گھراں توں باہر نکل آئی ۔زلزلہ کوہ پیما مرکز دے مطابق زلزلے دا مرکزکوہ ہندو کش اچ 157کلومیٹر دی گہرائی اچ ہئی ۔فوری طور تے زلزلے نال کہیں جانی یا مالی ضیان دی اطلاع کائنی ملی ۔
