اسلام آباد ۔ 19اکتوبر (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو دھرنے دی اڈ اچ فسادکھنڈاونڑ اتے قانون ہتھیں گھنڑ دی اجازت نہ ڈتی ویسی،وزیراعظم مہانگ، ناجائز منافع خوری اتے ذخیرہ اندوزی تے سخت کارروائی دی ہدایت کیتی اے اتے منڈیاں تئیں سامان پچاونڑ کیتے تریاکل دا کردار مکاونڑ دا آکھیے۔اے گالھ انہاں اسلام آباد اچ پریس کانفرنس کریندے آکھی۔انہاں آکھیے جو وزیراعظم عمران خان علما کرام کوں سڈیا ہا،ایندے بارے میڈیا اچ غلط گالھیںپھیلایاں گین،وزیراعظم عمران خان مہانگ دا سخت نوٹس گھدے اتے مختلف وزارتاں توں مہانگ تے قابو پاونڑ کیتے تجویزاں منگین۔ انہاںا ٓکھیے جو سندھ دے عوام صوبائی حکومت دی بد انتظامی وات آئے ہوئن،سندھ حکومت ولوں ویلھے تے کنڑک ملھ نہ گھنڑ پاروں سندھ اچ اٹے دا ملھ ودھیے،وزیراعظم ای سی سی کوں موثر اتے جامع حکمت دی ہدایتی کیتی اے اتے اٹے دا ملھ گھٹاونڑ کیتے اقدامات دا آکھیے۔ڈاکٹر فردوس عاشق اعوان آکھیے جو اوقاف اراضی بارے وفاق اتے صوبے رل تے لائحہ عمل بنڑیسن۔
