مدینہ منورہ۔17اکتوبر (اے پی پی) مکہ توں مدینہ ونجنڑ آلی سڑک ہجرہ تے عمرہ زائرین دی بس اچ ٹرالے نال ٹکراونڑ دے بعد بھاہ لگ گئی جیں دے نتیجے اچ 35 مسافر جاں بحق اتے4 زخمی تھی گن۔ مدینہ منورہ پولیس دے ترجمان میڈیا نال گال مہاڑ کریندے ہوئیں ڈسائے جو گزریل رات عمرہ زائرین کوں مدینہ گھن ونجنڑ آلی بس تے ٹرالے وچال ٹکر پاروں بس اچ بھاہ لگ گئی جیں دے نتیجے اچ 35 مسافر جاں بحق اتے4 زخمی تھی گن ۔ ہلال احمر اتے محکمہ صحت دیاں ٹیماں جاں بحق لوکاں دیاں لاشاں تے زخمیاں کوں نیڑے ہسپتال منتقل کرڈتے ۔جاں بحق تھیونڑ آلیں اچ بہوں سارے لوکاں دی تعداد ایشیا دی اے ،جاں بحق اتے زخمیاں دی شناخت وختی کائنی ڈسائی گئی ۔
