اسلام آباد ۔ 20 اکتوبر (اے پی پی) صدر مملکت ڈاکٹر عارف حسین علوی جاپان دے پنج ڈینہہ دے دورے تے ٹوکیو پج گین،جتھاں او جاپان دے شہنشاہ نرو ہیٹو دی رسم تاجپوشی اچ سو توں ودھ سربراہان مملکت دے رلے شرکت کریسن ۔صدر مملکت کوں دورے دی دعوت جاپان دی حکومت ڈتی اے۔اے دورہ پاکستان اتے جاپان دے ڈوطرفہ دوستانہ تعلقات، باہمی تعاون،اقتصادی، تجارتی، سرمایہ کاری، آئی ٹی، زراعت، انسانی وسائل، ترقی اتے سیاحت دے شعبیاں اچ گانڈھا ودھاونڑ اچ مدد ڈیسی۔
