اسلام آباد ۔ 16 اکتوبر (اے پی پی) صدر مملکت ڈاکٹر عارف علوی آکھیے جو فاصلاتی ذرائع نال تعلیم دا ودھارا ویلھے دی وڈی لوڑھ اے،ترقی سانگے جدید دوردیاں لوڑھاں پوریاں کرنڑیاں چاہیدن۔ اے گالھ انہاں لہور اچ اوپن یونیورسٹی دی ایسوسی ایشن دی33 ویں سالانہ کانفرنس نال خطاب اچ آکھی۔انہاں آکھیا جو فاصلاتی ذرائع تعلیم نال ویلھا اتے اخراجات بچدن،جیہڑیاں قوماں جدید دورے دے مطابق اپنڑے آپ کوں نئیں ڈھال سگدیاں او ترقی نئیں کر سگدیاں،استاد دا مقام اچا اے بھل پرنٹنگ پریس دے آونڑ اتے صنعتی انقلاب ودھنڑ نال علم دے شعبہ اچ وڈیاں تبدیلیاں آ چکین،انٹر نیٹ عام تھیونڑ نال وی علم دا حصول بہوں سوکھا تھئے۔صدر مملکت آکھیے جو انٹرنیٹ پسندیدہ کتاباں تئیں پج سوکھی کر ڈتی اے،اجوکے دور اچ مینوفیکچررز، فروخت کنندگان اتے صارفین دے رابطے ودھ چکین ،انہاں تبدیلیاں سانگے نوجوان تعلیم اتے ہنر حاصل کرن۔
