اسلام آباد ۔26اکتوبر (اے پی پی) وفاقی وزیر امور کشمیر و گلگت بلتستان علی امین گنڈا پورآکھیے جو (اج )آڈت 27اکتوبر کوں قومی اتے بین الاقوامی سطح تے بھارت دے مقبوضہ کشمیر تے قبضے دے خلاف یوم سیاہ چنگے طریقے نال منایا ویسی جیندے اچ پورے جگ اچ بھارت دے کشمیرتے ناجائر قبضے کوں بے نقاب کیتا ویسی اتے وزیر اعظم عمران خان دی ہدایت تے سارے ادارے وفاقی اتے صوبائی سطح تے ریلیاں ، سیمینارز اتے مباحثے کرائے ویسن،وفاقی دارالحکومت اسلام آباداچ ی سی ڈی اے اتے ضلعی انتظامیہ شاہراواں ، چوک ، چوراہواں تے سیاہ رنگ دے کتبے ، بینرزلیسن ۔اے گال انہاں اسلام آباد اچ پریس کانفرنس کریندے آکھی۔انہاں آکھیے جو پرنٹ الیکٹرانک اتے سوشل میڈیا تے وی مسئلہ کشمیر اگونہا کرنڑکیتے پروگرام بنڑا گھدا گئے۔ انہاں آکھیے جو اپوزیشن بیرونی ایجنڈے تے چلدی پئی اے جیندے ثبوت موجود ہین جو مولانا فضل الرحمان دا مارچ کشمیر اتے یوم سیاہ کیتے نئیں بھل کشمیریاں دے خلاف اے۔ انہاں آکھیے جو وزارت امور کشمیر یوم سیاہ دے موقع تے بہترین انتظام کیتن،ایندے کیتے ساریاں وزارتاں ،اداریاں،صوبیاں،آزادکشمیر اتے گلگت بلتستان نال رابطہ رکھیا گئے،وزارت اطلاعات بھارتی مظالم بے نقاب کرنڑ کیتے پرنٹ ،الیکٹرونک اتے سوشل میڈیاتے مہم چلائی ویسی،ڈاکو منٹریاں،تصویراں وی بنڑایاں گین۔ریلوے سٹیشناں، عوامی جاہیں، ایئرپورٹس اتے بیاں جاہیں تے وڈیاں سکرینان لایاں ویسن۔
