لاہور۔20 اکتوبر(اے پی پی )لہور اتے ملتان سودھاپورے ملک اچ حضرت امام حسین اتے انہاں دے جانثاراں دا چہلم مذہبی عقیدت نال منایا گئے۔لہور سودھے ملک اچ مجالس عزا، علم، ذوالجناح اتے تعزیئے دے جلوس کڈھیے گین۔صوبائی دارالحکومت لاہور اچ چہلم دا مرکزی جلوس اندرون دہلی گیٹ حویلی الف شاہ توں ماتم، نوحہ خوانی اتے گرےہ زاری کریندا ہویا اپنڑے روایتی رستے مسجد وزیر خان، خرادی محلہ، چوک نواب صاحب، محلہ شیعاں، نثار حویلی، چوہٹہ مفتی باقر، چوک کوتوالی توں کشمیری بازارپجیے جتھاں سنہری مسجد تے عزادار ان نماز ظہرین پڑھی۔اے جلوس پانی والا تالاب، ٹکسالی، کوچہ فقیر خانہ اتے بھاتی توں تھینداکربلا گامے شاہ ونج مکیے۔رستے اچ جاہ جاہ تے پانڑی اتے کھیر دیاں سبیلاں لایاں گیاں ہن اتے سیکیورٹی دے سخت انتظام ہن۔ملتان اچ چہلم دے مختلف جلوس حویلی مرید شاہ ،امام بارگاہ جوادیہ ،آستانہ لعل شاہ ،شاہ یوسف گردیز،سوسھے بئے علاقیاںا چ نکل تے مقررہ رستیاں توں تھیندے کربلا شاہ شمس تبریز ونج مکین۔سٹی پولیس آفیسر ملتان محمد زبیر دریشک 20 صفر المظفر چہلم حضرت امام حسین علیہ السلام سانگے سیکیورٹی انتظامات دا جائزہ کیتا اتے شہر دے مختلف اہم جلوساںدے وی دورے کیتے،جلوس یوسف شاہ گردیز، جلوس امام بارگاہ حویلی مرید شاہ اتے جلوس امام بارگاہ جوادیہ گئے۔
