مذاکرات دے دروازے بند نئیں تھیونڑے چاہیدے،مولانا فضل الرحمٰن اسلام آباددی بکھ اچ دینی طاقتاں کوں خراب نہ کرن،امید اتے 26 اکتوبررئین حالات بدل ویسن، وزیر ریلوے شیخ رشید احمد

APP12-19 LAHORE: October 19 - Federal Minister for Railways Sheikh Rashid Ahmad talking to media at Railway Headquarters. APP

لاہور۔19 اکتوبر(اے پی پی )وفاقی وزیر برائے ریلوے شیخ رشید احمدآکھیے جو 27 اکتوبر دا دھرناحالی گرے لسٹ اچ اے‘وستی دے سارے مہاندرے مر ونجن ول وی مولانا کوں اقتدار نئیں ملنڑا،مذاکرات دے دروازے بند نئیں تھیونڑے چاہیدے،مولانا فضل الرحمٰن اسلام آباددی بکھ اچ دینی طاقتاں کوں خراب نہ کرن،امید اتے 26 اکتوبررئین حالات بدل ویسن۔اے گالھ انہاں ریلوے ہیڈ کوارٹر زلہور اچ پریس کانفرنس کریندے ٓکھی،۔ انہاں آکھیا جو کشمیر اچ مودی دے خلاف نعرے لگدے پین اتے پورے جگ دے میڈیا اچ کشمیر دا مسلہ اگونہا تھیندا پئے، اونجھے ویلھے اپوزیشن دی دھرنا سیاست چنتے دی گالھ اے، مولانا فضل الرحمن جیندے اشارے تے نچدے پین انہاں دی سیاست وی تباہ تھیونڑ آلی اے،مولانا کوں مذاکرات دے در بند کرتے جمہوریت دی گچی گھٹنڑ دی کوشش نئیں کرنڑی چاہیدی،امید اے مولانا کوں کوئی رستہ ڈس ویسی بھل انہاں کوں فیس سیونگ ڈیونڑ دا فیصلہ پارلیمانی کمیٹی کریسی،مولانا جانڑدن جو نوازشریف کہیں دے مِتر نئیں،ڈر اے جو کتھائیں دینی مدارس ڈنڈے سوٹے آلیاں پاروں پاکستان دے کوئی نویں مصیبت نہ آن پووے۔ انہاں آکھیے جو اے سیاستدان ہکے این آر او دی مار ہین بھل عمران خان نئیں منیندا،مولانا نواز دور اچ ختم نبوت قانون تے تان چپ ہن اج کیہڑا درد مکاونڑ آندے پین؟کوئی سمجھدے جو اسلام آباد تے چڑھائی کرتے ”ستے خیراں “ تھی ویسن تاں اے بھل اے،پہلی واری ملک اچ فوج اتے حکومت ہک مٹھ ہین،ایں اتحاد کوں تروڑن کیتے مولانا کوں استعمال کرنڑ دی کوشش ناکام تھیسی۔