اسلام آباد ۔ 11 اکتوبر (اے پی پی) وزیراعظم عمران خان آکھیے جومقبوضہ کشمیر اچ ہندوستانی فوج 80 لکھ انساناں کوں کرفیو اچ بند کر رکھیا ہوئے ، تقریبا ہک لکھ کشمیریاں حق خودارادیت سانگے شہادتاں ڈتیاں، مودی اپنڑاں چھیکڑی پتہ کھیڈ گھدے، لیکن کشمیری ایہ تسلیم کائناں کریسن، مقبوضہ کشمیر توں جڈاں وی کرفیو ہٹسی تاں لکھاں لوک باہر نکلسن ،اتے ا یہ رستہ انہاں دی آزادی دا راستہ ہوسی، پوری پاکستانی قوم کشمیری بھراوں دے نال کھڑی ہے اتے کھڑی راہسی ۔جمعہ کوں مقبوضہ کشمیر دے عوام نال اظہار یکجہتی سانگے انسانی ہتھاں دی زنجیر اتے ریلی دے شرکاءتوں خطاب کریندے ہوئیں وزیراعظم آکھیا جو مقبوضہ کشمیر اچ ہندوستانی فوج 80 لکھ انساناں کوں کرفیو اچ بند کر رکھیا ہوئے ، تقریبا ہک لکھ کشمیریاں حق خودارادیت سانگے شہادتاں ڈتیاں ہن۔انہاں آکھیا جو مودی اپنڑاں چھیکڑی پتہ کھیڈ گھدے، لیکن کشمیری ایہ تسلیم کائناں کریسن، مقبوضہ کشمیر توں جڈاں وی کرفیو ہٹسی تاں لکھاں لوک باہر نکلسن ،اتے ا یہ رستہ انہاں دی آزادی دا راستہ ہوسی۔ایں موقع تے اطلاعات تے نشریات سانگے معاون خصوصی ڈاکٹر فردوس عاشق اعوان، معاون خصوصی نعیم الحق، وفاقی وزیر امور کشمیر علی امین گنڈاپور اتے بئے رہنما وی موجود ہن۔ وزیراعظم آکھیا جو اج اتھاں جمع ہونڑ دا مقصد کشمیر دے لوکیں کوں ا یہ پیغام ڈیونڑ ہے جو پوری پاکستانی قوم انہاں دے نال کھڑی ہے اتے کھڑی راہسی۔انہاں آکھیا جو دنیا کشمیر بارے ڈبل سٹینڈرڈز رکھے ہوئے ہن ،ا یہ وڈی افسوس دی گالھ ہے جو عالمی میڈیا ہانگ کانگ دے احتجاج کو ں تاں ہیڈ لائنزدے طور تے پیش کریندے لیکن مقبوضہ کشمیر اچ تریمتیں، بالاں، بزرگاں اتے بیماراں سمیت 80 لکھ لوکیں کوئی کوریج نی ڈیندا جنہاں کوں9 لکھ بھارتی فوج قیدی بنڑایا ہوئے اتے انہاں تے ظلم وی تھیندے پن۔ وزیر اعظم آکھیا جو تساں ڈیکھسو جو کشمیریاں دے حقوق گھنڑ سانگے شروع کیتی گی ا یہ تحریک ہک سمندر بنڑ ویسی ۔ وزیراعظم عمران خان آکھیا جو انہاں اپنڑے امریکہ دے دورے اچ عالمی لیڈراں دے نال کشمیر دے مسئلے تے گالھ کیتی اتے انہاں کوں کشمیر دی صورتحال بارے ڈسایا۔انہاں آکھیاجو مقبوضہ کشمیر توں جڈاں وی کرفیو ہٹسی تاں لکھاں لوک باہر نکلسن ،اتے ا یہ رستہ انہاں دی آزادی دا راستہ ہوسی۔انہاں آکھیا جو پوری پاکستانی قوم کشمیری بھراوں دے نال کھڑی ہے اتے کھڑی راہسی۔
