اسلام آباد ۔ 11 اکتوبر (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو27 اکتوبر کوں کشمیری عوام مقبوضہ کشمیر اچ بھارتی ناانصافیاں اتے ریاستی استحصال دے خلاف یوم سیاہ دے طور تے منیندن ،مولانا فضل الرحمان ایں ڈینھ کوں قوم اچ انتشار پاونڑ کیتے منتخب کیتے او ایں ڈینھ قوم کوں کٹھا کرنڑ دی بجائے منتشر کرنڑ چاہندن جیں نال انہاں دے مذموم عزائم کھل تے قوم دے سامنڑے آگن ،نجی ٹیلی وژن نال گال مہاڑ کریندے ہوئیں انہاں آکھیے جو قوم ہک مٹھ تے ہک زبان تھی تے انہاں دے عزائم دے سامنڑے چٹان بنڑ ویسی تے بھارتی جارحیت کوں للکار ڈیسی ،قوم 27اکتوبر کوں یوم سیاہ دے طور تے منیسی ،انہاں آکھیے جڈاں وی قوم تے ایجھا وقت آئے قوم کٹھی تھئی اے ،2014 اچ جڈاں پی ٹی آئی احتجاج کیتا ہئی تاں اسلام آباد اچ دفعہ 144 نافذ تھی ہئی تے قانون حرکت اچ آیا ہئی تے ہنڑ وی آسی ،قانون کہیں دے ہتھوں یرغمال نی تھی سگدا ۔
