سیالکوٹ ۔ 13 اکتوبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو مولانا فضل الرحمن بدعنوان عناصر کیتے مذہب کارڈ استعمال کریندے پین، گمراہ ٹولہ عوام کوں گمراہ کرنڑ اچ ناکام رہسی، وزیراعظم انہاں توں لٹیا ہویا مال ولیسن اتے قوم دی ترقی تے خرچ کریسن،وزیراعظم عمران خان جگ دے مقبول ترین رہنما بنر تے ابھردے پین اتے مسلم امہ کیتے انہاں دا کردار اگونہا تھیندا پئے،مسلہ کشمیر اتے میرپور زلزلہ ویلھے گونگے باتے بنڑن آلی اپوزیشن اج اپنڑے مطلب کیتے کٹھی تھی گئی اے بھل وزیراعظم عمران خان مظلوم کشمیریاں نال کھر تے پورے جگ اچ انہاں دے وکیل اتے سفیر بنڑیے ہوئن۔ اے گالھ انہاں ڈھلم غازی اچ سوئی گیس ڈیونڑ دی ہک تقریب نال خطاب اچ آکھی۔انہاں آکھیے جو ملک اچ مہنگائی دے ذمہ دار سابق حکمران بے بنیاد پروپیگنڈہ کریندے پین ،جیں ٹبر سودھا رل تے ملک لٹنڑ توں علاوہ بیا کجھ نئیں کیتا، انہاں کوں قوم دے بالاں دا نئیں اپنڑے بالاں دا کھادا بچاونڑ دی فکر اے،انہاں دا جمہوریت نال کوئی تعلق اے نہ ہی اسلام نال کوئی واسطہ،ہنر اے مطلب کیتے مدرسے دے معصوم بالاں کوں ولا تے استعمال کرنڑ چاہندن۔انہاں آکھیے جو ڈو ٹبر اپنڑیاں حرکتاں پاروں جیل اچ ہین،وزیراعظم سارے چور اتے لٹیریاں کوںانہاں دی اصل جاہ تے پچا تے رہسن،قوم کوں چونا لاونڑ آلے اپنڑے انجام توں ڈر تے اینجھان حرکتاں کریندے ودن۔
