اسلام آباد ۔ 9 اکتوبر (اے پی پی) پاکستان تحریک انصاف دے رہنما خصوصی معاون امور نوجواناں عثمان ڈار آکھیے جو مولانا فضل الرحمن دھرنا ڈیونڑ دا شوق پورا کرن لیکن قوم کوں اے وی ڈساون جو گزریل 25 ، 30 سال اقتدار اچ رہ تے انہاں مسئلہ کشمیردے حل کیتے کیا اقدامات کیتن اتے قوم دی کیا خدمت کیتی، علی امین گنڈاپور ذاتی حیثیت اچ مولانا کوں نوٹس بھیجے ، اساں کائنی ڈردے ۔ نجی ٹیلی ویژن نال گال مہاڑ کریندے ہوئیں انہاں آکھیے جو مولانا دھرنا ڈیونڑ دا شوق پورا کرگھنے، 15لکھ لوک آسن لنگر خانہ موجود اے ،تقریر کرن ،قوم دا ضمیر جگاون لیکن ایندے نال نال قوم کوںاے ضرور ڈساون جو انہاں گزریل 25 توں 30 سال دے دوران پر ویز مشرف، (ن) لیگ اتے پاکستان پیپلز پارٹی دیاں حکومتاں نال کم کیتے تے کشمیر کمیٹی دے چئیرمین وی رہ گن ۔ ایں دور اچ انہاں مسئلہ کشمیر دے حل کیتے کیا اقدامات کیتن تے قوم دی کیا خدمت کیتی اے ۔
