اسلام آباد ۔ 12اکتوبر (اے پی پی)وزیر اعظم عمران خان متعلقہ حکام کوں ہدایت کیتی اے جو پاکستان سیٹیزن پورٹل (پی سی پی)تے درج کرائی گئی شکایات دے ازالے کیتے مخصوص طریقہ کار تے عملدرآمد یقینی بنڑایا ونجے،وفاقی و صوبائی محکمیاں سودھے سرکاری اداریاں دے سربراہان پی سی پی تے درج کوئی وی شکایت مخصوصی طریقہ کارتے ٹریے بغیر نہ مکائی ونجے، ایں سانگے مجاز حکام دی منظوری ضروری اے ۔ وزیر اعظم دے میڈیا آفس موجب آکھیے جو کوئی وی افسر یا اہلکار اپنڑے فرائض دی ادائیگی یاکہیں محکمے دا ترجمان شکایت دے حل یا ایکوں پی سی پی توں کڈھنڑدامجازنہ ہوسی۔انہاں سیٹیزن پورٹل تے آونڑ آلیاں شکایتاں نمٹاونڑدی ہدایت کیتی تاں جو پورٹل دی کارکردگی دا درست اندازہ تھی سگے۔پورٹل بارے شکایت آئی ہئی جو شکایات دے ازالے یا اوکوں پورٹل توں کڈھنڑ اچ کجھ اہلکار من مرضی کریندن اتے شکایات بغیر حل تھئے پورٹل توں ہٹا ڈتیاں ویندن جیندے تے وزیر اعظم نوٹس گھندے ہوئے شکایات دے ازالے کیتے مجوزہ طریقہ کار تے سختی نال عمل دی ہدایت کیتی اے۔
