بیجنگ ۔ 9 اکتوبر (اے پی پی) وزیراعظم عمران خان دے دورہ چین اتے چینی صدر شی چن پنگ اتے وزیراعظم لی کی کیانگ سمیت چینی اعلیٰ قیادت دے نال ملاقاتاں کوں چین دے الیکٹرانک اتے پرنٹ میڈیاودھ ساری کوریج ڈتی۔ وزیراعظم عمران خان دی چینی صدر شی چن پنگ نال سٹیٹ گیسٹ ہاﺅس اتے چین دے وزیراعظم لی کی کیانگ نال عظیم عوامی ہال اچ ٹھیونڑ آلیاں ملاقاتاں کوں گلوبل ٹیلی ویژن نیٹ ورک انگریزی زبان دے نیوز چینل ، سی سی ٹی وی ، چینی زبان دے ٹیلی ویژن چینلز دے علاوہ چین دے پیپلز ڈیلی، چائنہ ڈیلی، گلوبل ٹائمز اتے چائنہ اکنامک نیٹ ورگے مشہور اخباراں ودھ ساری کوریج ڈتی اتے انہاں ملاقاتاں کوں ہیڈ لائنز اچ جاءڈتی۔ مختلف ٹی وی چینلاں تے وزیراعظم دے دورے دے مختلف پہلوواں بارے چینی دانشوراں اتے تجزیہ کاراں اپنڑے تجزیئے پیش کیتے اتے اخباراں اچ ایں بارے آرٹیکلز چھپے۔
