اسلام آباد ۔ 25 اکتوبر (اے پی پی)وزیرِ اعظم عمران خان نال چیئرمین ایف بی آر شبر زیدی اتے چیئرمین نادرا عثمان یوسف مبین جمعے کوں ملاقات کیتی۔ملاقات اچ ٹیکس نیٹ اچ ودھارا بارے اقدامات تے غورکیتا گیا۔ایں موقع تے وزیراعظم عمران خان آکھیا جو عوام الناس کوںبہتر سہولتاں ڈیونر بارے حکومتی استعداد کار ودھاونڑ سانگے ضروری اے جو ٹیکس نیٹ ودھایا ونجے۔انہاں آکھیا جو ٹیکس دی ادائیگی ہک قومی فریضہ اے جڈانجو ایں سانگے ٹیکس نادہندگان دا اعتماد بحال کرنڑ بہوں اہمیت رکھیندے۔انہاں آکھیا جو حکومت دے اے کوشش اے جو ٹیکس دے نظام کوں شفاف بنڑایا ونجے تانجو ہر محب وطن شہری ملکی تعمیر تے ترقی اچ اپنڑاں کردار نبھاوے۔
