اسلام آباد ۔ 10 اکتوبر (اے پی پی) پاکستان اچ عراقی سفارتخانہ زائرین کوں ویزیں دی فراہمی دے عمل کوں سوکھا بنڑاونڑ دا اظہار کیتے ۔ عراق اچ مذہبی جہیں دی زیارت کیتے ونجنڑ آلے پاکستانی زائرین کوں ویزے دے حصول کیتے مشکلات دے حوالے نال وزیراعظم دے معاون خصوصی برائے اوورسیز پاکستانیز ذوالفقار بخاری عراقی حکام نال رابطہ کیتا تے انہاں کوں پاکستانی زائرین کوں پیش آونڑ آلی مشکلات بارے ڈسایا ۔ وزارت اوورسیز پاکستانیز توں جاری بیان دے مطابق وزیر اعظم دے معاون خصوصی دی مداخلت تے عراقی حکومت پاکستانی زائرین کوں سہولتاں دی فراہمی تے آمادگی دا اظہار کیتے ۔ ایں حوالے نال پاکستان اچ عراق دا سفارتخانہ زائرین کوں ویزیں دی فراہمی کیتے پراسس کوں سوکھا کریسی ۔
