وزیر اعظم عمران خان اسلام آباد اچ “احساس سیلانی لنگر” سکیم دا افتتاح کریسن

اسلام آباد ۔ 7 اکتوبر (اے پی پی) وزیر اعظم عمران خان “احساس سیلانی لنگر” سکیم دا اج سنوار کوں اسلام آباد اچ افتتاح کریسن۔ وزیراعظم میڈیا آفس توں جاری بیان دے مطابق پروگرام دے تحت نادار اتے ضرورت مند لوکاں کوں مفت ٹکر پانڑیں دی سہولت ڈتی ویندی پئی اے ۔ “لنگر سکیم” حکومت ولوں جاری کیتے گے سماجی و فلاحی بہبود دے جامع پروگرام “احساس” دا اہم جزو اے۔ اسلام آباد توں شروع کیتی ونجنڑ آلی ایں سکیم کوں پورے ملک اچ کھنڈایا ویسی ۔ افتتاحی تقریب پاکستان ٹیلی ویژن توں براہ راست نشر کیتی ویسی ۔