تہران ۔ 13 اکتوبر (اے پی پی) وزیر اعظم عمران خان ایران دے صدر حسن روحانی نال ملین اتے مختلف علاقائی اتے عالمی معاملیاں تے صلاح مشورہ کیتے۔ہکے مہینے اچ اے ڈوہاں رہنماواں دی ڈوجھی ملاقات اے۔ملاقات اچ ڈو طرفہ تعلقات، تجارت دے ودھارے، اعلیی قیادت دے رابطیاں دے تسلسل اتے خطے اچ امن و سلامتی کیتے رل مل تے کوششاں سانگے الوایا گئے۔ڈوہیں ہک بئے دے تعلقات کوں تریخی قرار ڈیندے انہاں کوں بیا تکڑا کرنڑ تے اتفاق کیتے۔یاد راہوے جو وزیر اعظم خطے اچ امن و سلامتی ودھاونڑ کیتے اپنڑی سفارتی مہم سانگے تہران پجین ۔انہاں دے رلے وزیر خارجہ شاہ محمود قریشی ، وزیر اعظم دے معاون خصوصی سید ذوالفقار عباس بخاری اتے بئے سینئر عہدیداروی موجود ہن۔
