وزیر اعظم عمران خان دی چینی ہم منصب لی کی چیانگ نال ملاقات ڈو پاسے تعاون اچ مزید ودھارے دا باعث بنڑسی ، ڈاکٹر فردوس عاشق اعوان

اسلام آباد ۔ 9 اکتوبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان اتے چین دے وزیراعظم لی کی چیانگ دی گرمجوشی نال ملاقات دا اندازآئرن برادرز دی عظیم دوستی دا مظہر اے، اے یاری خطے تے دنیا اچ ہک مثال تے امن تے قرقی دی علامت اے ، وزیراعظم عمران خان دی عظیم عوامی ہال آمد تے چین دے وزیراعظم ولوں پرتپاک استقبال ڈوہیں سدا بہار یاراں دے لازوال تے رشتے دا درخشاں باب اے ، ملاقات اچ مقبوضہ جموں کشمیر اچ انسانی حقوق دی سنگین صورت حال تے انسانی بحران دی آئینہ دار اے عمران خان ہر محاذ تے کشمیریاں دے حق کیتے ڈٹ تے کھڑن ۔ ڈاکٹر فردوس عاشق اعوان بدھ کوں اپنڑے ٹویٹ اچ آکھیے جو ڈوہیں رہنماواں دی ملاقات مختلف شعبیں اچ ڈو پاسے تعاون اچ مزید وسعت دا باعث بنڑسی۔انہاں آکھیے جو چینی وزیراعظم عمران خان دے سی پیک منصوبیں تے تکھی رفتار نال تکمیل دے عزم تے پیشرفت تے شکریہ ادا کیتا ۔