اسلام آباد ۔ 10 اکتوبر (اے پی پی) وفاقی وزیر علی امین خان گنڈاپور دی صدارت اچ خمیس کوںاہم اجلاس تھیا ،جیندے اچ جمعہ کوں یوم یکجہتی کشمیرمناونڑ بارے انتظامات داجائزہ گھدا گیا ۔ایں موقع تے گالھ مہاڑ کریندے ہوئیں وفاقی وزیر علی امین خان گنڈاپورآکھیا جوپاکستان مسئلہ کشمیر تے چنگی سفارتکاری دی حکمت عملی تے عمل کریندا پئے،متحرک سفارتکاری پاروں عالمی سطح تے پاکستانی موقف کوں منیا ویندا پئے، کشمیریاں کوں حق خوداردایت ڈیوانڑ سانگے ساریاں کوششاں جاری رکھیسوں۔انہاں آکھیا جو کشمیریاں نال یکجہتی ظاہر کرنڑ سانگے یوم یکجہتی کشمیر (کل)(اج) جمعہ کوں چنگے طریقے نال منایاویسی ، ڈی چوک اسلام آباداچ انسانی ہتھاں دی زنجیر بنڑائی ویسی۔انہاں آکھیا جوپاکستان کشمری بھراواں دے اوں ویلھے تئیں کھڑا راہسی جڈاں تئیں بھارت مقبوضہ کشمیر دے عوام کوں انہاں دا حق خود ارادیت نی ڈے ڈیندا۔
