پاکستانی معیشت دے مختلف شعبیں اچ نمو تے مبنی ترقیاتی اہداف حاصل کرنڑ سانگے عالمی بینک ولوں تکنیکی تے مالی امداد تقویت دی وجہ بنڑسی مشیر خزانہ ڈاکٹر عبدالحفیظ شیخ دی عالمی بنک دے کنٹری ڈائریکٹر پچاموتھو ایلانگوان نال گالھ مہاڑ

اسلام آباد ۔ 9 اکتوبر (اے پی پی) وزیراعظم دے مشیر خزانہ تے ریونیو ڈاکٹر عبدالحفیظ شیخ آکھیے جوپاکستانی معیشت دے مختلف شعبیں اچ نمو تے مبنی ترقیاتی اہداف حاصل کرنڑ سانگے عالمی بینک ولوں تکنیکی تے مالی امداد تقویت دی وجہ بنڑسی۔ عالمی بنک دے پاکستان سانگے کنٹری ڈائریکٹر پچاموتھو ایلانگو بدھ کوں اپنڑیں ٹیم دے کٹھے حفیظ شیخ نال ملاقات کیتی۔ انہاں وزیراعظم دے مشیر کوں پاکستان دی سماجی تے اقتصادی ترقی سانگے عالمی بینک دے مختلف جاری اتے مستقبل دے منصوبین بارے ڈسایا ۔ کنٹری ڈائریکٹر ڈسایا جو عالمی بینک حکومت پاکستان کوں قومی معیشت دے مختلف شعبیں اچ متعارف کیتی گی اصلاحات تے تکھے کم کرنڑ کیتے مددسانگے پرعزم ہے۔ ایں موقع تے عبدالحفیظ شیخ آکھیا جوپاکستانی معیشت دے مختلف شعبیں اچ نمو تے مبنی ترقیاتی اہداف حاصل کرنڑ سانگے عالمی بینک ولوں تکنیکی تے مالی امداد تقویت دی وجہ بنڑسی۔