پاکستان اتے چین پکے یار،پارٹنر اتے آہنی برادرز ہن، پاکستان غربت مکاونڑ سانگے چین دے تجربات توں فائدے گھنڑ چاہندے، سی پیک مکمل کرنڑ موجودہ حکومت دی پہلی ترجیح ہے، سی پیک داڈوجھا مرحلہ پاکستانی عوام سانگے روزگار دے مواقع پیدا کرنڑ اتے سماجی و اقتصادی ترقی دے ودھارے سانگے رستے سدھے کریسی وزیر اعظم عمران خان دی چیئرمین نیشنل پیپلز کانگریس لی شوان شو نال ملاقات اچ گالھ مہاڑ

بیجنگ ۔ 9 اکتوبر (اے پی پی) وزیر اعظم عمران خان نال چیئرمین نیشنل پیپلز کانگریس لی شوان شو بدھ کوں عوامی گریٹ ہال بیجنگ اچ ملاقات کیتی۔ وزیر خارجہ شاہ محمود قریشی، وزیر ریلوے شیخ رشید، توانائی توں متعلق وزیر اعظم دے مشیر اتے بئے سینئر حکام وی ایں موقع تے موجود ہن ۔ وزیر اعظم عمران خان چیئرمین لی کو ںعوامی جمہوریہ چین دی اکہترویں سالگرہ تے مبارخباد ڈیندے ہوئیں آکھیا جو پاکستان اتے چین پکے دوست،سانجھدار اتے آہنی برادرز (بھرا) ہن۔انہاں آکھیا جو پاکستان غربت مکاونڑ سانگے چین دے تجربات توں فائدے گھنڑ چاہندے، سی پیک مکمل کرنڑ موجودہ حکومت دی پہلی ترجیح ہے۔عمران خان آکھیا جو سی پیک داڈوجھا مرحلہ پاکستانی عوام سانگے روزگار دے مواقع پیدا کرنڑ اتے سماجی و اقتصادی ترقی دے ودھارے سانگے رستے سدھے کریسی۔ چیئر مین لی شوان شو بنیادی قومی مفادات دے سارے معاملات اچ حمایت توں متعلق چینی قیادت دے عزم دا اعادہ کریندے ہوئیں آکھیا جو چین وزیر اعظم عمران خان ولوں تجویز کیتے گئے اقدامات دی حمایت کریسی۔ ڈوہائیں رہنماواں پارلیمانی اتے ڈو طرفہ اعلی سطح تے رابطے ودھاونڑ سمیت سیاسی،ثقافتی،تعلیمی شعبیں اچ وی ہک بئے کوں تعاون کرنڑ تے اتفاق کیتا۔وزیر اعظم، چیئر مین این پی سی کوں پاکستان دے دورہ دی دعوت ڈتی،جیرھی جو انہاں قبول کر گھدی۔