پاکستان دی خارجہ پالیسی بدلدے علاقائی و عالمی حالات اچ بہون اہمیت گھن گھدی اے، وزیر خارجہ شاہ محمود قریشی دا ایئر یونیورسٹی اسلام آباد میں خطاب

اسلام آباد ۔ 17 اکتوبر (اے پی پی) وزیر خارجہ شاہ محمود قریشی آکھیے جو پاکستان دی خارجہ پالیسی بدلدے علاقائی و عالمی حالات اچ بہون اہمیت حاصل کر گھدی اے، عالمی معیشت دی توجہ مغرب توں مشرق دو بدلدی پئی اے،ساڈے خطے اچ ترقی اتے علاقائی روابط دے کئی موقع موجود ہین،پرامن ہمسائیگی سادا منشوراے، بھارت دے توسیع پسندانہ عزائم پاکستان دی سلامتی کیتے خطرہ ہین، افغان تنازعہ دا کوئی فوجی حل کائنی، امید اے جو امریکہ طالبان گالھ مہار ولا بحال تھی ویسی۔ اے گالھ انہاں اسلام آباچ اچ ایئر یونیورسٹی دی تقریب نال خطاب کریندے آکھی۔ انہاں آکھیا جو سینئر طالبان رہنماواں دے رد عمل نال ساڈی حوصلہ افزائی تھئی اے، سی پیک اچ چینی سرمایہ کاری دے بئے منصوبیاں نال معشیت تکڑی تھیسی،اج پاکستان عالمی سرمایہ کاراں اتے سیاحواں کیتے پر کشش جاہ بنڑ چکیے، ایران اتے سعودی عرب نال صلاح مشورہ مثبت رہے،کشیدگی گھٹی اے اتے خوشی اے جو خیلج اچ جنگ دے بادل چھٹ گین،ہنر فریقین دی توجہ تصادم دی بجائے تعاون تے آونڑ لگ گئی اے۔ انہاں آکھیا جو اساں بین الریاستی تعلقات اچ علاقائی اتے عالمی سطح تے اپنڑے قومی وسفارتی مفادات دا تحفظ بہون ہوشمندی نال کرسگدے ہیں،خارجہ پالیسی دی تیاری اچ کلیدی فریقین نال پورا صلاح مشورہ کرنڑ ضروری ہوندے تاں جو ایندے چنگے نتیجے گھدے ونج سگن،خارجہ پالیسی بنڑاونر کیتے معاشی قوت، سماجی ہم آہنگی، ادارہ جاتی توازن، فوجی صلاحیت، اتحادیاں دے نیٹ ورک، نظریاتی پختگی دا خیال رکھیا گئے۔