اسلام آباد ۔ 16 اکتوبر (اے پی پی) صدر مملکت ڈاکٹر عارف علوی باہرلے ملک رہنڑ آلے پاکستانیاں دی ملکی ترقی کیتے خدمات دی تعریف کریندے ہوئیں آکھیے جو پاکستان سرمایہ کاری کیتے محفوظ ملک اے ،شاہی جوڑے دے دورہ پاکستان نال غیر ملکی سرمایہ کاراں دا اعتماد بحال تھیسی ، وزیراعظم عمران خان ولا ولاخطے اچ قیام امن تے غربت مکاونڑ دی گال کریندن ، تاجراں کوں منافع دے نال نال عوامی بھلائی دا وی خیال رکھنڑاں چاہیدے،اے گال انہاں گزریل رات برطانوری دارالامراءدے رکن اتے پاکستانی سرمایہ کار ضمیر اے چوہدری دے اعزاز اچ ڈتے گے عشائیے نال خطاب کریندے ہوئیں آکھی اے ،صدر مملکت آکھیے جو انہاں کوں پوری قوم کوں ضمیر اے چوہدری تے فخر اے ،انہاں اپنڑی محنت مخیرانہ سرگرمیاں اتے کاروباری کامیابیاں توں ناں کمائے ، انہاں کوں برطانوی دارالامراءاچ تعیناتی تے مبارکباد پیش کرینداں ۔ صدر مملکت آکھیا جو بیسٹ وے گروپ اتے یونائٹڈ بینک لمیٹڈ انہاں دی سرپرستی اچ پاکستان اچ سرمایہ کاری کرنڑ آلا وڈا گروپ اے ۔ انہاں آکھیے جو پاکستان اچ محفوظ سرمایہ کاری دے موقعودھدے پن۔ انہاں برطانوی شاہی مہماناں دا حوالہ ڈیندے ہوئیں آکھیا جو شہزادہ ولیم تے انہاں دی ذال کیٹ مڈلٹن پاکستان اچ مخیرانہ سرگرمیاں اچ شرکت اچ بھرپور آمادگی ظاہر کیتی اے۔ انہاں بریسٹ کینسر متعلق آگاہی مہم دی وی تعریف کیتی اے ۔ ایں موقع تے چیف ایگزیکٹو آفیسر بیسٹ وے گروپ لارڈ ضمیر اے چوہدری، چیف ایگزیکٹو آفیسر یونائٹڈ بینک لمیٹڈ سیما کامل اتے ڈپٹی برطانوی ہائی کمشنر وی خطاب کیتا۔ ایں موقع تے وفاقی وزیر پٹرولیم غلام سرور خان، وفاقی وزیر سائنس و ٹیکنالوجی فواد چوہدری، وفاقی وزیر بحری امور علی زیدی، وفاقی وزیر توانائی عمر ایوب، پاکستان تحریک انصاف دے سینئر رہنما جہانگیر ترین سمیت ارکان پارلیمنٹ اتے تاجر کمیونٹی دے رہنما وی موجود ہن۔
