ملتان ۔ 17 اکتوبر (اے پی پی) تھانڑاں مخدوم رشید دے علاقے 13 ایم آر دے نیڑے نامعلوم ڈاکوواں تے پولیس وچال فائرنگ دے تبالے اچ 4 ڈاکو اپنڑے ہی ساتھیاں دی فائرنگ پاروں ہلاک تھی گن ۔پولیس ترجمان دے مطابق 13 ایم آر دے نیڑے7 توں 8 مسلح ڈاکواں ناکہ لاتا ہویا ہئی او لوکاں دی لٹ مار اچ مصروف ہن ۔ڈاکواں دی موجودگی دی اطلاع ملنڑ تے پولیس موقع تے پجی تاں ڈاکواں پولیس کوں ڈیکھ تے انہاں تے فائرنگ کرڈتی ۔بہوں ساری دیر فائرنگ دے تبادلے دے بعد ڈاکو رات دے اندھارے دا فائدہ چیندے ہوئیں موقع توں بھج گے ۔پولیس نیڑے ونج تے ڈٹھا تاں اپنڑے ہی ساتھیاں دی فائرنگ پاروں زخمی حالت اچ پئے ہن جیرھے جو بعد اچ زخماں دی تاپ نہ جھلیندے ہوئیں ہلاک تھی گے ۔ہلاک تھیونڑ آلے ڈاکواں اچ محمد پرویز ولد محمد رفیق قوم کھرل سکنہ 9 ایم آر، فضل الرحمن ولد علاوالدین سکنہ 4 ایم آر، ندیم ولد افضل سکنہ 4 ایم آر تے عمران سکنہ 5 ایم آر شامل ہن۔ پولیس 13 ایم آر توں پہلے چھڑا چوک مخدوم رشید تے ڈاکواں ولوں ڈکیتی دی واردات دے دوران کھسیا گیا موٹر سائیکل برآمد کرگھدے۔پولیس علاقے دی ناکہ بندی کروا ڈتی تے بھج ونجنڑ آلیں دی گرفتاری کیتے ٹیماں بنڑا تے انہاں دی گرفتاری کیتے چھاپے ماریے ویندے پن ۔ بھج ونجنڑ آلیں دے خلاف مقدمہ درج کر گھدا گے ۔۔چارے ہلاک ملزمان کجھ ڈینھ پہلے 9 ایم آر دے علاقے اچ تھیونڑ آلے گینگ ریپ دے نال قتل دی واردات اچ پولیس کوں مطلوب ہن ۔ واقعے دی اطلاع ملدے ہی پولیس دے سارے سینئر افسرموقع تے پج گے ۔
