چیئرمین سینیٹ محمد صادق سنجرانی دا سابق سینیٹر میر حضور بخش ڈومکی دے انتقال تے اظہار افسوس

اسلام آباد ۔ 10اکتوبر (اے پی پی) چیئرمین سینیٹ محمد صادق سنجرانی سابق سینیٹر تے بزرگ سیاستدان میر حضور بخش ڈومکی دے انتقال تے ودھ سارے ڈکھ تے افسوس دا اظہار کیتے خمیس کوں اپنڑے تعزیتی بیان اچ انہاں آکھیے جو مرحوم میر حضور بخش ڈومکی دی جمہوریت، پارلیمان، سیاسی و سماجی خدمات کوں خراج عقیدت پیش کریندوں ۔ مرحوم میر حضور بخش ڈومکی کوں ہک مدبر اتے زیرک سیاستدان دی حیثیت نال ہمیشہ یاد رکھیا ویسی ۔ چیئرمین سینیٹ محمد صادق سنجرانی آکھیے جو انہاں دے انتقال نال پاکستان دے سیاسی افق تے تھیونڑ آلا خلا پیدا تھی گے ۔ انہاں آکھیا جو مرحوم میر حضور بخش ڈومکی دے صاحبزادے سابق وزیر سائنس اینڈ ٹیکنالوجی میر دوستین ڈومکی اتے انہاں دے خاندان نال تعزیت کریندوں۔