اسلام آباد ۔ 24 اکتوبر (اے پی پی) وزیراعظم عمران خان عالمی بینک دی رپورٹ اچ کاروبار سوکھا کرنڑ دے حوالے نال پاکستان دی درجہ بندی اچ تاریخ اچ ساریں توں ودھ بہتری تے قوم کوں مبارخ ڈیندے ہوئیں آکھیے جو اے اساڈے منشور دے ہک وعدے دی تکمیل اے ۔خمیس کوں اپنڑے ہک ٹویٹ اچ وزیر اعظم آکھیے جو گزریل ڈاہ سال اچ پاکستان دی کاروبار اچ سوکھ دے حوالے نال 50 درجے تنزلی تھئی اے۔ ہنڑ اساں 28 درجے بہتری دے نال 136 توں108 ویں نمبر تے آگیوں ۔ وزیر اعظم ایں کامیابی تے اپنڑی حکومت دے سارے انہاں ذمے واراں کوں مبارخ ڈتی جنہاں ایں سلسلے اچ محنت تے لگن نال کم کیتے ۔ وزیر اعظم آکھیے جو اساکوں ایں سلسلے اچ بہوں کجھ کرنڑاں اے۔ انہاں آکھیے جو2020ءتئیں پاکستان سرمایہ کاری دے لحاظ نال سرفہرست ملکاں اچ شامل تھی ویسی ۔
