کامیاب جوان پروگرام دے ذریعے نینگراں کوں ملکی تعمیر و ترقی اچ شراکت دار بنڑیسوں ،عثمان ڈار

اسلام آباد ۔ 14 اکتوبر (اے پی پی) وزیراعظم دے معاون خصوصی امور نوجوانان عثمان ڈار پارٹی دے مرکزی سیکرٹریٹ دا دورہ کیتا تے پاکستان تحریک انصاف دے چیف آرگنائزر سیف اللہ خان نیازی نال خصوصی ملاقات کیتی۔مرکزی میڈیا ڈیپارٹمنٹ توں سنوار کوں جاری بیان دے مطابق وزیراعظم عمران خان دے وژن دی روشنی اچ شروع کیتے گے تاریخی ” کامیاب جوان پرگرام“ دے اجرا تے مفصل بریفنگ ڈتی گئی ۔ 17 اکتوبر کوں اسلام آباد اچ کامیاب جوان پروگرام دے ملک گیر آغاز کیتے افتتاحی تقریب دیاں تیاریاں تے وی تفصیلی بریفنگ ڈتی گی ۔عثمان ڈار آکھیے جو وزیراعظم دی ہدایات اتے وژن دی روشنی اچ تاریخی پروگرام تیار کیتا گے ،وزیراعظم تاریخی پروگرام دا افتتاح کریسن۔ انہاںآکھیے جو کامیاب جوان پروگرام دے ذریعے نینگراں کوں ملکی ترقی اچ شراکت دار بنڑیسوں ، وزیراعظم دے وژن دی روشنی اچ ترتیب ڈتا گیا پروگرام نینگراں دی ترقی کیتے اہم سنگ میل ثابت تھیسی۔