کامیاب جوان پروگرام ملکی تاریخ اچ نینگراں دی فلاح بہبود اتے ترقی کیتے بہترین پروگرام اے ، نعیم الحق

اسلام آباد ۔ 18 اکتوبر (اے پی پی) وزیر اعظم دے معاون خصوصی سیاسی امور نعیم الحق آکھیے جو کامیاب جوان پروگرام حکومت اہم اقدام اتے ملکی تاریخ اچ نینگراں دی فلاح بہبود تے ترقی کیتے ہنڑ تئیں دا بہترین پروگرام اے ۔ ریڈیو پاکستان نال گال مہاڑ کریندے ہوئیں انہاں آکھیے جو وزیراعظم عمران کان نینگراں کوں کاروبار دے موقع ڈیونڑ کیتے ایں جامع پروگرام دا آغاز کیتے ۔انہاں آکھیے نینگر ملک دی آبادی دا اہم حصہ ہن تے موجودہ حکومت معاشرے دے ایں طبقے کوں مضبوط بنڑاونڑ دی اہمیت کوں سمجھدی اے ۔ مستحق نینگراں اچ کاروبار کوں ودھارا ڈیونڑ دا کلچر متعارف کراونڑ نال ملکی معیشت تے مثبت اثرات تھیسن ۔انہاں آکھیے جو آندی نسل ہک مختلف ماحول اچ پروان چڑھسی ،نینگراں کیتے ضروری اے جو ایں پروگرام توں فائدہ چاون تے بہوں ایماندارانہ انداز اچ ایندا استعمال کریندے ہوئیں نویں جدید کاروبای منصوبیں کوں گھن تے اگی تے آون تےملک دی ترقی کیتے اپنڑاں مثبت کردارادا کرن ۔