کامیاب نوجوان پروگرام دے تحت پورے ملک اچ 10لکھ نینگراں کوں میرٹ تے 100ارب روپے دے قرضے ڈتے ویسن،وزیراعظم عمران خان دا کامیاب جوان پروگرام دی افتتاحی تقریب توں خطاب

اسلام آباد ۔ 17 اکتوبر (اے پی پی) وزیراعظم عمران خان آکھیا جو حکومت نینگراں دی رتقی اتے انہاں کوں اپنڑے پیراں تے کھڑاکرنڑ سانگے کم کریندی پی اے،کامیاب نوجوان پروگرام دے تحت پورے ملک اچ 10لکھ نینگراں کوں میرٹ تے 100ارب روپے دے قرضے ڈتے ویسن،25فیصد قرضے تریمتیں سانگے ہوسن،ہک لکھ دا قرضہ بغیر سود ڈتا ویسی،ہک لکھ نینگراں کوں ٹیکنالوجی دی تربیت ڈیسوں۔خمیس کوں کامیاب نوجوان پروگرام دی افتتاحی تقریب نال خطاب کریندیں ہوئیں وزیراعظم عمران خان آکھیا جو کامیاب نینگر پروگرام دے پہلے مرحلے دے شروع تھیونڑ تے مبارک ڈینداں،دنیا اچ او قوماں اگوں ودھدن جنہاں اچ میرٹ دا نظام ہوندے،کامیاب نوجوان پروگرام دا خاصہ میرٹ اے،اساں چاہندوں جو میرٹ ساریاں توں پہلے ہووے،میرٹ ای جمہوری نظام دا خاصہ ہوندے۔انہاں آکھیا جو دنیا اچ میرٹ تے عمل کرنڑ آلی قوماں دی ترقی دی منزلاں طے کریندن۔انہاں آکھیا جو وڈا انسان بنڑنڑ سانگے حضرت محمد دی زندگی کوں ولا ولا پڑھڑاں پمسی،کوئی وی انسان حضرت محمد دے پیراں دی خاک دے برابر وی نی پج سگدا،حضور دی تعلیمات انسانی تریخ اچ انقلاب برپا کیتے۔انہاں آکھیا جو حقیقی تبدیلی سانگے پہلے سوچ اچ تبدیلی گھن آونڑ ضروری اے۔انہاں آکھیا جو 45ضلعیاں اچ پسماندہ طبقیاں کوں قرضے ڈتے ویسن،ڈاہ لکھ نینگراں کوں قرضہ ڈیونڑ اساڈا ہدف اے،اے سارے قرضے میرٹ تے بغیر کہیں سفارش دے ڈتے ویسن۔انہاں آکھیا جو نینگراں کوں ہنر سکھائے ویسن،نینگراں کوں ہنرمند بنڑاونڑ سانگے ڈاہ ارب روپے خرچ کیتے ویسن،ہک لکھ نینگراں کوں ٹیکنالوجی دی ٹریننگ ڈیسوں۔ایں موقع تے وزیراعظم دی معاون خصوصی اطلاعات و نشریات ڈاکٹر فردوس عاشق اعوان، وفاقی وزیر تعلیم و پیشہ وارانہ تربیت شفقت محمود، وزیراعظم دے مشیر برائے سیاسی امور نعیم الحق، وزیراعظم دے معاون خصوصی برائے امور نوجوان عثمان ڈار سمیت وفاقی تے صوبائی کابینہ دے ارکان اتے پاکستان تحریک انصاف دے رہنما وی موجودہن۔