کرتار پور راہداری معاہدہ امن اتے مذہبی ہم آہنگی کیتے وزیراعظم عمران خان دے وعدے دی تکمیل اے،وزیراعظم دی معاون خصوصی برائے اطلاعات و نشریات دا ٹویٹ

اسلام آباد ۔ 24 اکتوبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق آکھیے جو کرتار پور راہداری معاہدہ امن اتے مذہبی ہم آہنگی کیتے وزیراعظم عمران خان دے وعدے دی تکمیل اے۔ اے گالھ وزیراعظم دی معاون خصوصی برائے اطلاعات و نشریات ہک ٹویٹ اچ آکھی اے۔انہاں آکھیے جو کرتار پور راہداری معاہدہ پاکستان دے بین المذاہب ہم آہنگی اتے امن دا داعی ہوونڑ دا ثبوت اے،اے معاہدہ احترام انسانیت اتے بھرا بھرپی دے ودھارے کیتے نویں در کھلیسی،اساں پورے جگ دے سکھاں کوں دربار کرتارپور صاحب اچ خوش آمدید آہدے ہیں۔ڈاکٹر فردوس عاشق اعوان آکھیے جو پاکستان ہمہ جہت ثقافت،مختلف تہذیباں ، مختلف مذاہب دی جاہ اے جتھاں اقلیتاں دے حقوق دا تحفظ کیتا ویندے، ساڈے قومی پرچم داچٹا رنگ انہاں اقلیتاں دی نمائندگی کریندے۔