اسلام آباد ۔ 20 نومبر (اے پی پی) وزیر اعظم دی معاون خصوصی برائے اطلاعات ونشریات ڈاکٹر فردوس عاشق اعوان آکھیے جو سابق وزیر اعظم نواز شریف دا بیرون ملک ونجنڑچیلنج نہ کریسوں،اے فیصلہ قانونی ٹیم کریسی جو ساڈی قانونی ترجیحات کیاہووڑن۔ نجی ٹی وی چینل نال الویندے ہوئے انہاں آکھیے جو وزیر اعظم عمران خان ملک اچ آئین دی حکمرانی اتے بالادستی چاہندن،وزیر اعظم عمران خان دا بیانیہ حق اتے سچ دا بیانیہ اے جڈاں جو سچ ہمیشہ کوڑا ہوندے۔ انہاں آکھیے جو سابق وزیر اعظم نواز شریف اتے شہباز شریف عدالت کوں بیان حلفی ڈتے جو او پاکستان ولسن۔ انہاں امید کیتی جو میاں نواز شریف عدالتی فیصلے دی پاسداری کریسن۔