اسلام آباد ۔ 5 نومبر (اے پی پی) ٹیکسٹائل دی برآمدات اچ جولائی توں ستمبر2.95 فیصد ودھارا تھئے ۔ ادارہ برائے شماریات پاکستان ( پی بی ایس) توں جاری کیتے گے اعداد شمار دے مطابق اجوکے مالی سال دے پہلے چار مہینے اچ ٹیکسٹائل دے شعبے دی برآمدات ودھ تے 3.37 ارب ڈالر تھی گن جڈاں جو گزریل مالی سال اچ جولائی توں اکتوبر2018ءدے دوران برآمدات دا حجم 3.28 ارب ڈالر رہیا ہئی ۔ اینویں گزریل مالی سال دے شروع دے چار مہینے دے مقابلے اچ اجوکے مالی سال دے ایں عرصے اچ ٹیکسٹائل دی ملکی برآمدات اچ 2.95 فیصد ودھارا ریکارڈ کیتا گے ۔