آرمی چیف جنرل قمر جاوید باجوہ نال نیٹو دے ڈی جی انٹرنیشنل ملٹری سٹاف جنرل ہنس ورنر دی ملاقات ، علاقائی سلامتی دی صورتحال تے گالھ مہاڑ کیتی گئی

راولپنڈی ۔ 07 نومبر (اے پی پی) آرمی چیف جنرل قمر جاوید باجوہ نال نیٹو دے ڈی جی انٹرنیشنل ملٹری سٹاف جنرل ہنس ورنر نال ملاقات کیتی جئیں اچ علاقائی سلامتی دی صورتحال تے گالھ مہاڑ کیتی گئی ۔ پاک فوج دے شعبہ تعلقات عامہ(آئی ایس پی آر) دے مطابق نیٹو دے ڈی جی انٹرنیشنل ملٹری سٹاف جنرل ہنس ورنر ’ جی ایچ کیو راولپنڈی اچ آرمی چیف نال ملاقات کیتی۔ملاقات اچ نیٹو دے ڈی جی انٹرنیشنل ملٹری سٹاف جنرل ہنس ورنر’ خطے اچ امن تے استحکام سانگے پاک فوج دے کردار دی تعریف کیتی۔