آسٹریلیا الیون اتے پاکستان وچال ڈو ڈینھ دا ٹور میچ صبحائیں تھیسی

پرتھ ۔ 14 نومبر (اے پی پی) کرکٹ آسٹریلیا الیون اتے پاکستان دیاں ٹیماں وچال ڈو ڈینھ دا ٹور میچ صبحائیں جمعے کوں شروع تھیسی۔ ایندے توں پہلے آسٹریلیا تے پاکستان دیاں ٹیماں وچال کھیڈیے گے ترائے ڈینھ دے ٹور میچ ہر جت دے فیصلے دے بغیر ختم تھی گے ہن ۔آسٹریلیا نال ٹیسٹ سیریز توں پہلے پاکستانی ٹیم ڈو ٹور میچ کھیڈیے ہن۔ ڈوجھا ٹور میچ سویلے جمعے کوں پرتھ اچ کھیڈیا ویسی جیں دے بعد پاکستان اتے آسٹریلیا وچال ڈو ٹیسٹ میچاں تے مشتمل سیریز دا پہلا میچ 21 توں 25 نومبر تئیں برسبین جڈاں جو ڈوجھا ٹیسٹ 29 نومبر توں 3 دسمبر تئیں ایڈیلیڈ اچ کھیڈیا ویسی ۔