برسبین ۔ 20 نومبر (اے پی پی) پاکستان کرکٹ ٹیم دے مہاندرے بلے باز بابر اعظم آکھیے جو آسٹریلیا کوں پہلے ٹیسٹ میچ اچ ہرا تے ڈومیچاں دی سیریز دی فاتحانہ شروعات کریسوں جیندے کیتے پوری ٹیم تکڑی تیاری کیتی اے،میں وی اپنڑی کارکردگی توں مطمئن ہاں۔ہک بیان اچ انہاں آکھیے جو کینگروز دے خلاف پہلے ٹیسٹ دی منصوبہ بندی کر گھدی اے،میں مکمل فٹ اتے فارم اچ ہاں،بئے کھیڈاڑی وی ٹیست میچ کیتے تیار ہین،کوشش ہوسی جو کینگروز کوں اوندی سرزمین تے ہرا تے ہک واری ول کارنامہ کریجے کیوں جو ساڈے کھیڈاڑی کہیں توں گھٹ کائنی اتے میچ داہر ویلھے پاسہ پتر سگدن۔انہاں آکھیے جو آسٹریلیا کون ہراونڑ کیتے بیڑنگ ،بلونگ اتے فیلڈنگ تریے شعبیاں اچ کارکردگی ڈکھاونڑی ہوسی۔
