اجوکی حکومت بجلی دے صارفین سانگے بجٹ اچ206ارب روپے دی سبسڈی ڈیندی پی اے،وفاقی وزیر توانائی عمر ایوب خان داپریس کانفرنس توں خطاب

اسلام آباد ۔ 8 نومبر (اے پی پی) وفاقی وزیر توانائی عمر ایوب خان آکھیا جو اجوکی حکومت بجلی دے صارفین سانگے بجٹ اچ206ارب روپے دی سبسڈی ڈیندی پی اے،ایں سردیاں اچ نومبر توں فروی تئیں بجلی دے نرخاں اچ ودھیکی یونٹس دے استعمال تے 11.97روپے فی یونٹ رعایتی پیکیج ڈتا ویسی جئیں نال گھریلیو،کاروباری اتے صنعتی صارفین فائدہ چیسن،300یونٹ توں گھٹ دے زرعی صارفین کوں خصوصی سبسڈی ڈتی ویندی پی اے۔اے گالھیں انہاں وفاقی سیکرٹری توانائی عرفان علی دے رلے ہ پریس انفارمیشن ڈیپارٹمنٹ اچ پریس کانفرنس نال خطاب کریندیں ہوئیں آکھی۔وفاقی وزیر آکھیا جو سردیاں اچ زرعی ٹیوب ویلز،کاروباری اتے گھریلو صارفین توں علاوہ صنعتی صارفین سانگے و ی رعایتی بجلی دے نرخاں دا اعلان کیتا گے جئیں دے مطابق ودھیکی یونٹس دے استعمال تے 11.97روپے فی یونٹ رعایتی پیکیج ڈتا ویسی ۔