اسلام آباد ۔ 28 نومبر (اے پی پی) وزیراعظم دے مشیر تجارت عبدالرزاق داﺅد آکھیے جو افریقہ 54 ملکاں تے مشتمل ڈوجھا وڈا براعظم اے ،اساکوں افریقی ملکاں اچ تجارتی موقعیں توں فائدہ چاونڑاں چاہیدے ،آندے 5سال اچ افریقہ دے نال اپنڑے تجارتی حجم کوں دو گنا کرنڑاں ہوسی ،اے گال انہاں خمیس کوں وزارت خارجہ اچ افریقی ملکاں اچ تعینات پاکستانی سفیراں دی کانفرنس دے ڈوجھے ڈینھ سیشن نال خطاب کریندے ہوئیں آکھی اے ۔ کانفرنس دے ایں سیشن اچ افریقی ملکاں اچ تعینات پاکستانی سفیراں ،چیئرمین سرمایہ کاری بورڈ ، گورنر سٹیٹ بینک، سیکرٹری خارجہ و سیکرٹری تجارت شرکت کیتی۔ مشیر تجارت آکھیا جو افریقی ملکاں دی جی ڈی پی آونڑ آلے سالاں اچ 29ٹریلین ڈالر تئیں ودھ ویسی ،انہاں آکھیے اساکوں انہاں موقعیں توں فائدہ چیندے ہوئیں اپنڑے تجارتی رابطے کوں ودھاونڑاں ہوسی ۔انہاں آکھیے جو اساکوں خوشی اے جو اساڈے بنڑائے ہوئے ٹریکٹرز بہوں سارے افریقی ملکاں اچ برآمد کیتے ویندن۔مشیر تجارت آکھیا جو اساکوں آزادانہ تجارت دے ذریعے موقعیں توں ودھ سارا فائدہ چاونڑاں ہوسی ۔انہاں آکھیا جو پاکستان 30/31 جنوری 2020ءکو ں نیروبی اچ متوقع تجارتی کانفرنس اچ بھرپور شرکت کریسی ۔میں ایں اہم کانفرنس دے انعقاد تے وزیر خارجہ مخدوم شاہ محمود قریشی اتے وزارت خارجہ کوں مبارخ ڈینداں ۔
