اساں سکھ دھرم دے منڑنڑ آلیاں کوں کرتارپورراہداری نال خیر سگالی دا سنھیا ڈیندے پیوں،وزیر خارجہ شاہ محمود قریشی دی لہور اچ کرتارپوربارے میڈیا نال گالھ مہاڑ

اسلام آباد ۔ 8 نومبر (اے پی پی) وزیر خارجہ شاہ محمود قریشی آکھیا جو اساں سکھ دھرم دے منڑنڑ آلیاں کوں کرتارپورراہداری نال خیر سگالی دا سنھیا ڈیندے پیوں،اے اےں گالھ دامنہ بولندا ثبوت اے جو پاکستان اچ رواداری وی اے اتے مذہبی آزادی وی،ہندوستان مقبوضہ جموں تے کشمیر اچ ظلم دے پہاڑ سٹیندا پے اتے کشمیریاں کوں جمعے دی نماز وی نی پڑھنڑ ڈتی ویندی پئی۔جمعے کوں سنگا پور توں واپسی دے بعد لہور اچ کرتارپوربارے میڈیا نال گالھ مہاڑکریندیں ہوئیں انہاں آکھیا جو میں سنگاپور ہامی جتھاں کرتارپور راہداری بارے ہک خصوصی تصویری نمائش کیتی گی ہئی ۔ایں نمائش اچ پاکستان اچ سکھ دھرم دے جتنے گوردوارے ہن انہاں دی تصویراں شامل کیتیاں گیاں ہن۔انہاں آکھیا جو ہندوستان ولوں مسلسل تنگ نظری ڈکھائی ویندی پی اے اتے اساں ریکارڈمدت اچ کرتارپور راہداری منصوبے کوں پورا کیتے۔وزیر خارجہ آکھیا جو اج 9 نومبر کوں وزیر اعظم عمران خان کرتارپور راہداری دا افتتاح کر تے سکھ برادری نال کیتے گئے وعدے پورے کریسن۔