اسرائیل انسانی حقوق دیاں سنگین پامالیاں دا ارتکاب کیتے، ایمنسٹی انٹرنیشنل

لندن ۔ 5 نومبر (اے پی پی) انسانی حقوق دی عالمی تنظیم ایمنسٹی انٹرنیشنل آکھیے جو اسرائیلی حکام دا ہک ملازم لیث ابو زیاد کوں باہرلے ملک سفر توں روکنڑ دا فیصلہ انسانی حقوق دی خلاف ورزی اے ۔ انسانی حقوق گروپ آکھیے جو اسرائیل انسانی حقوق دیاں مسلسل خلاف ورزیاں کریندا پئے ۔اسرائیل اتے مقبوضہ فلسطینی علاقیں کیتے ایمنسٹی انٹرنیشنل دے انتخابی مہم دے افسر لیث ابو زیاد کوں گزریل ہفتے اردن دا سفر کریندے ہوئیں گرفتار کیتا گیا ہئی ۔ایمنسٹی آکھیے جو اسرائیلی ریاست ہک طے شدہ منصوبے دے تحت انسانی حقوق دیاں سنگین پامالیاں دا مرتکب اے۔ بیان اچ آکھیا گے جو اسرائیلی ریاست ہک سوچے سمجھیے منصوبے نال انسانی حقوق دے کارکناں کوں دبائی کھڑے ۔ انہاں تے سفری پابندیاں اتے آزادنہ کم تے قدغناں لاتیاں گن۔