حویلیاں ۔ 18 نومبر (اے پی پی) وزیراعظم عمران خان آکھیا جو اسلام کوںپیسہ بنڑاونڑ سانگے ویچنڑ توں وڈا کوئی جرم کائنی،جیڑھا جتنا وڈا چور اے او کنٹینر تے چڑھ کراہیں اتنا ودھ شور مچیندا پیا ہئی،اج میں اپنڑی کرسی سانگے مک مکا کر گھنا تاں اے سارے آرام کر تے بہہ ویسن،میکوں ووٹ دی نی اپنڑی آخرت دی فکر اے،اج مہنگائی اتے اوکھے ویلھے پچھلے حکمراناں پاروں اے،قوم شہباز شریف دے ڈرامے بجھ گئی اے،پاکستان کوں مدینہ دی ریاست دے اصولاں تے کھڑا تے عظیم ملک بنڑیسوں،طاقتور سانگے انج اتے کمزور سانگے انج قانون دا تاثر ختم تھیونڑاں چاہیدے،عدلیہ عوام دا انصاف دے نظام تے اعتماد بحال کرے،سی پیک دے منصوبیاں نال خوشحالی اتے روزگار دے موقع ملسن۔اے گالھیں انہاں سنوار کوں ہزارہ موٹروے فیز ٹو منصوبہ دے تحت شاہ مقصود۔مانسہرہ سیکشن دی افتتاحی تقریب توں خطاب کریندیں ہوئیں آکھی۔سپیکر قومی اسمبلی اسد قیصر، وفاقی وزیر مواصلات و پوسٹل سروسز مراد سعید اتے وزیراعلیٰ خیبرپختونخوا محمود خان وی ایں موقع تے موجودہن۔انہاں آکھیا جو لٹیریاں دا کٹھ ہک پاسے اتے ڈوجھے پاسوں عمران خان اے،پاکستان جتسی،عمران خان جتسی،چیخاں مارنڑآلیاں کوں پتہ اے جو اج پاکستان بدلدا پے،ڈو نی ہک پاکستان اساڈا نعرہ نی ایمان اے۔
