کابل ۔ 25 نومبر (اے پی پی) افغانستان دے الیکشن کمیشن صدارتی انتخابات دے تقریبا1180 پولنگ بوتھاں اچ پاتے گئے ووٹاں کوں منسوخ کرڈتے ۔ افغانستان دے الیکشن کمیشن ہک بیان اچ آکھیے جو 2400ووٹنگ دے مراکز اچوں 1169 ووٹنگ مراکز نان بائیومیٹرک ہوونڑ پاروں الیکشن کمیشن کیتے غیر معتبر اے تے الیکشن کمیشن کہیں وی گروہ تے ادارے دے زیراثر کائنی ۔ افغانستان دے الیکشن کمیشن آکھیے جو جڈاں تئیں28 ستمبر کوں تھیونڑ آلے صدارتی انتخابات دی گنتی پوری نی تھیندی تاں اوں وقت تئیں ابتدائی نتیجے دا اعلان کائناں کیتا ویسی۔ الیکشن کمیشن دی رپورٹ دے مطابق افغانستان دے24 صوبیں دی رائے شماری پوری تھی چکی اے تے 3 صوبیں اچ حالی وی جاری اے تاں جو الیکشن کمیشن 7صوبیں دی ولا گنتی روک ڈتی اے ۔افغانستان دے صدارتی انتخابات دے ابتدائی نتیجے حالی تئیں ترائے واری ملتوی کیتے گن ۔
