تہران۔ 22 نومبر (اے پی پی) ایران اچ پٹرول دیاں قیمتاں ودھنڑ پاروں حکومت دے خلاف احتجاج دے دوران مرنڑ آلے لوکاں دی تعداد 150تھی چکی اے ۔ویب سائٹ ایران انٹرنیشنل دے مطابق ایرانی انٹیلی جنس فورسز گوشت دی ترسیل کیتے استعمال تھیونڑ آلیاں گاڈیاں دے ذریعے دارالحکومت تہران دے ”سوشل انشورنس“ ہسپتال توں 36 مظاہرین دیاں لاشاں دفناونڑ کیتے منتقل کیتن ۔ ایندے علاوہ انٹیلی جنس ہر خاندان کوں 40 ملین ایرانی تومان مقتولین دی میت وصول کرنڑ کیتے ادا کرنڑ دا آکھیے ۔ایندے علاوہ حکومت ولوں مرنڑ آلے لوکاں دے دفناونڑ دے معاملات اچ وی سختی کیتی ویندی پئی اے ۔جنازے دے اعلان تے میڈیا تے گال کرنڑ تے پابندی لاڈتی گئی اے ۔ واضح رہے جو ہک ہفتے اچ مرنڑ آلیں دی مجموعی تعداد150 تئیں پج گی اے ۔
